خيم الظلام على فرنسا والكل ينظر للقمر المكتمل، من بين كل البيوت بنروح للبيت أو القصر اللي بدور فيه أحداث قصتنا، حكاية حب تناضل للاستمرار بالحياة.هاي القصة رسمها عقلي وتخيلتها عيني، قصة خيالية مستحيل تتحقق بأرض الواقع لا الحين ولا المستقبل.
بعد ما كملوا من عشاهم واخذوا بعض الوقت يسولفون، يى وقت النوم وكل واحد راح لداره ينام يريحون عيونهم بعد هاي اليوم الشاق.
ما قدرت كيرا تنام ظلت تفكر وهي خايفة متوترة من بكرة شنو بصير.
قطع عليها أفكارها طق أخوها للباب ودخوله.
كيرا: شنو يايبك لهني؟
كورابيكا: بدال ما ترحبين فيني تطرديني.
كيرا: sorry بس متوترة شوي.
كورابيكا: ادري عشان جذي جيت لعندش، بكرة أول يوم لش بالمدرسة وهاي آخر سنة بعد أكيد بتخافين لكن بكرة من تجين بتقولين عادي.
ابتسمت لاخوها وخف توترها شوي، بقوا مع بعض يسولفون وبعدها راح كورابيكا لداره وأخته نامت وهي مرتاحة.
الساعة 7 جهزت كيرا نفسها لهاي اليوم لبست لبس المدرسة وراحت لوالدينها تصبح عليهم.
كيرا: صباح الخير.
الوالدين: صباح النور.
قعدت كيرا مكانها بعد ماحبت والدينها.
الوالدة: متوترة!؟
كيرا: يعني.
الوالد: بس الحين إذا رجعتين ولا كأن شي صاير.
هزت راسها بأي : كورا ( اختصار لاسم أخوها) للحين نايم؟
الوالد: بيطلع الساعة 10 وشي بروح مع كونر لحلبة السباق.
الوالدة: هذا إذا قعد من وقت.
كيرا قامت: يلى أني بمشي.
الوالد: ليش مستعجلة توها 7 وربع.
كيرا: خبرت أليس 7 ونص بلتقي معاها هناك.
الوالدة: على راحتش حبيبتي، تحملي بروحش.
الوالد: رفعي راسي حبيبتي.
كيرا: ok باي .
مشت كيرا مع السايق للمدرسة.
سوزان: ليش ما تخليها تدرس منازل أريح لها ولي.
طالعها: ليش؟
سوزان: كورابيكا تخرج اللعام وهي هاي السنة بتصير بروحها، خايفة يصير فيها شي احد يقص عليها أو شي.
هاري: يعني في فرق بين اللعام والسنة حتى لو معاها أخوها هي مع ربعها وهو مع ربعه..وبعدين محد بيتجرأ ويسوي لها شي بتش ذكية تعرف تتصرف..خليها تكمل آخر سنة لها بعدها يصير خير.
ابتسمت له.
كيرا و أليسا وصلوا تقريبا بنفس الوقت.
أليسا: hi شخبارش؟
كيرا: متوترة شوي، انتين؟
أليسا: إذا انتين شوي أني وايد.
كيرا: شفتين سوسن؟
أليسا: لا توني يايه.
كيرا: هي أكيد يت ما تتأخر، امشي ندخل ثلجت.
دخلوا مع بعض وداخل طلاب وايد يطالعونهم ويحيونهم ليما شافوا رفيقتهم سوسن يت لهم و معاها باقي الربع.
البنات:hi .
كيرا + أليسا: هلا.
سوسن: بسكم خوف ويهكم اصفر وايد..إي تراكم معاي بالصف.
كيرا وأليسا استانسوا: أني وهي!
سوسن: ya .
طالعوا بعض واستانسوا، سنويا يكونون مع بعض وكانوا خايفيين يتفرقون هاي السنة لكنهم الحين تطمنوا وايد. بعد ما تكلموا مع بعض والتقوا بربعهم رد الكل لصفه لما رن الجرس.
كيرا وأليسا قعدوا يم بعض بالصفة الأولى وسوسن قعدت وراهم مع صديقتها كاث.
بعد دقايق دخل الأستاذ وبعده دخل طالبين متأخرين خلوا كيرا و أليسا يتعكر مزاجهم.
أليسا: افف مادوروا يحطونهم إلا معانا.
هاي الشاب كان جوي مع رفيقة كايبا، بعد ما دخلوا راحوا بيقعدون بنهاية الصف ولما طاحت عين جوي على كيرا غمز لها اما كيرا ماهتمت له وطالعت الجهة الثانية وطاحت عينها على شاب كان يطالع جوي وباين عليه مو عاجبنه تصرفه لكن بنفس الوقت نظره على كيرا.
توتر الشاب لما تلاقت عينهم وبسرعة طالع الجهة الثانية، كيرا جمدت مكانها وقلبها يدق بسرعة مو عارفة شنو تسوي غير تنزل راسها وما كانت حاسة بأليسا اللي تكلمها.
أليسا: كيرا شفيش .. علامش متغيره ..لايكون أثر فيش اللي سواه جوي؟
كيرا ماتكلمت بس هزت راسها بلا وأليسا محتارة شنو فيها منقلبة مرة وحدة لكنها صاداها إحساس غريب لما طالعت الجهة الثانية، كان شابين يتكلمون الأول اللي كان يطالع كيرا وأما الثاني نظره على أليسا لكن من تلاقت عيونهم كل واحد طالع الجهة الثانية.
أربعتهم متوترين وزادت دقات قلبهم من شافوا بعض، لكن ذلين الشابين من يكونون؟
بعد دقايق بدأ الأستاذ يقرى اساميهم، الشاب اللي كان ينظر لكيرا هو هانتر براودلي والثاني بليك براودلي وعرفوا انهم أولاد عم.
مضت الحصص الأولى على خير، درسوا أشياء بسيطة وباقي الحصة فراغ يسولفون فيها.
كيرا وأليسا مع سوسن راحوا بحطون كتبهم بالخزانة وهناك إلتقوا بهانتر وبليك يمدوا مكانهم و دقات قلبهم تزيد وكل واحد مو عارف شنو يسوي لكن هانتر وبليك مشوا عن لايسببون مشاكل.
سوسن استغربت من اشكال كيرا و أليسا: علامكم ..هوي.
إوتعوا: هاا شصاير؟!
سوسن: لا شكلكم كلش رحتون فيها لكن ما لومكم يهبلون.
طالعوها: شنو قصدش؟
ابتسمت لهم: ولا شي خلونا نروح قبل لا ايون وتتيمدون مكانكم مرة ثانية.
طالعوها ومشوا مع بعض لباقي ربعهم لكن قلبهم على الشابين.
هانتر و بليك توتروا أول مرة يصيدهم هاي الموقف يحسون بماي بارد صابينه عليهم.
بليك: المشكلة ما صرنا إلا معاهم.
هانتر: هذا الحين ما بغير شي خلنا نتباعد عنهم عن لا يصير أي مشاكل.
بليك: لو وحدة عادية عادي لكن المشكلة من عايلة الملك صعبة الواحد يتقرب منهم ولو إنها ملاك لو تنظر لها طول اليوم ما تمل.
هانتر طالعاه وابتسم، من نظرة وحده تعلقوا فيهم لكن خوفهم يمنعهم يتقربون منهم.
بحلبة السباق كورابيكا وكونر وصلوا بحدود 10 ونص ولقوا هناك باقي ربعهم وكل واحد اخذ حصانة يتسابقون. مر الوقت بسرعة والكل رد لبيتهم كيرا، أليسا، هانتر، بليك كل واحد تفكيره بالثاني وكلما يذكرونهم تزيد دقات قلبهم وصورت كل واحد ماتتباعد عن مخيلة الثاني.
معقولة كل واحد تعلق بالثاني لكن هانتر وبليك بيتجرؤون يكلمون كيرا وأليسا أو بظلون على حالهم؟؟!
بدت الدراسة وبدت معاها المغامرة للنجاح، هانتر وبليك كانوا يحاولون يتجنبون ينظرون لكيرا وأليسا و هم بعد يختلسون النظر لكن ما قدروا اربعتهم يمنعون نفسهم من يطالعونهم.
جوي حس باللي بينهم وبدأ يخطط خطة جهنمية لمشاكله واتفق مع كايبا عليها.
كايبا: يمكن ليش لا؟!
جوي: من ذاك اليوم وهم يطالعون بعض جذي.. مو مشكلة اعرف شلون اراويهم.
كايبا: بعدين!
جوي: بال break أحسن.
كايبا: باقي ساعة ونص.
جوي: لو 10 ساعات ما يهمني.
كيرا وأليسا راحوا بحطون كتبهم بالخزانة وسوسن سبقتهم لربعهم. بعد ماحطوا كتبهم فاجئهم جوي من ورا كيرا يبتدي بخطته.
جوي: hi princess .
كيرا ماهتمت له ومشت لكنه اعترضها و وقف قدامها: على وين princess؟ ما ظن الأميرات من عادتهم يتجاهلون صح أو أنا غلطان؟
واصلوا مشيهم لكن جوي مسك كيرا من ذراعها وسحبها جهته: لما أتكلم ماحب احد يتجاهلني.
كيرا ماسكتت طالعته: باعد يدك عني.
جوي باعدها وطالعها بسخرية: sorry princess ماكان قصدي.. بس بغيت اكلمش.
كيرا : واني مامبي فهمت مامبي أكلمك.
جوي استحمق من ردها يود ذراعها بقوة: بتسمعين اللي أقوله رضيتين أو لأ.
كيرا تألمت: باعد يدك لا انادي لك الحراس الحين.
أليسا: من تظن نفسك عشان تمسكها جذي.
كايبا: إذا ودش ماعندي مانع.
تقرب منها لكن تدخل شاب ماكانت متوقعتنه: قالت لك تتباعد عنها.
وبنفس الوقت تدخل واحد ثاني عشان يبعد جوي عن كيرا: ماتعرف انك لازم تعامل البنات باحترام.
حط يده على يد جوي وهو يطالعه.
جوي: ما يخصك هانتر، باعد يدك عني أحسن لك، من تظن نفسك عشان تأمرني على كيفك.
هانتر: ومن تظن نفسك عشان تمسك ذراع بت الملك جذي.
جوي يطالع هانتر وكايبا يطالع بليك وثنينهم استحمقوا لتصرفهم و بدوا يضاربون مع بعض لكن هانتر وبليك كانوا يصدون كل ضرباتهم، ولو ما تدخلت كيرا وأليسا كل واحد بيقتل الثاني.
يودوا يد هانتر وبليك عشان يوقفونهم: بس كافي لاتضربه.
هانتر وبليك توقفوا لكن بهاي الوقت يى الحراس وأخذوهم كلهم للمشرف الاجتماعي.
استغرب المشرف لما شاف كيرا وأليسا متورطين بالسالفة: كيرا أليسا ماصدق إنكم متورطين بالسالفة.
نزلوا راسهم أول مرة بحياتهم يتورطون جذي مع إنه مالهم ذنب بالسالفة.
المشرف: رفعوا راسكم .. ممكن تخبروني شنو اللي صار؟
ثنتينهم متوترين.
كيرا: ولا شي مجرد سوء تفاهم.
المشرف: ضرب ونضارب بس عشان سوء تفاهم، كيرا قولي الصدق محد بيأذيش.
سكتت.
المشرف طالع الباقي: وانتون شنو ردكم؟.. إذا محد فيكم تكلم بترغموني اتصل بأهاليكم.
الكل توتر إذا قالوا الصدق بطيح السالفة على جوي وكايبا لكن كيرا وأليسا مايبون يسوون أي مشاكل أما هانتر وبليك يقدرون يتكلمون بس عاجزين، وكان خوفهم لما شافوا المشرف بيتصل.
المشرف: يعني منتون متكلمين، انتون جلبتون كل هذا لكم ..بنشوف بأبو مين بنتصل اول.
جوي: ماله داعي تتصل فيهم هم مشغولين مو فاضين لنا.
المشرف: عجل تكلم قول شنو سبب شباقكم.
سكت شوي بعدين قال: ok كل اللي في السالفة إن هانتر وبليك كانوا يتحرشون بكيرا وأليسا ماقدرنا نسكت عنهم (طالع كيرا وأليسا) مو جذي؟
بليك: جذاب إحنا كنا نتحرش أو انتون.
المشرف: سكوت.. كيرا أليسا شنو رايكم باللي قالاه جوي؟
توتروا.
أليسا:اللي قالاه جوي مو صح.
قاطعها جوي: تجذب لـــ
المشرف: جوي ممكن تخلينا نسمع كلامها.. كملي.
أليسا طالعت كيرا.
كيرا: الحقيقة جوي هو اللي تحرش فينا، هانتر و بليك تدخلوا عشان يوقفونهم بعدها تضاربوا، هاي كل شي.
المشرف: عجل ليش ما تكلمتين من البداية كنا خلصنا السالفة بسرعة .. لكن مشكورة لصراحتش وبنشوف إذا كلامش صح أو لا.
استغربوا شنو قصده، وتفاجئوا لما شغل شريط مصور فيه تفاصيل كل اللي صار.
المدرسة بكبرها مراقبة بكيمرات بكل الممرات وكل مكان فيه كيمرات فجذي تمكن المشرف يعرف مين الصادق فيهم.
كايبا: دام عندك هذا ليش سألت؟
المشرف: عشان اعرف مين اللي بقول الصدق ومين بزور بالكلام عشان يبري نفسه.. جوي كايبا بإمكاني أعطي والدين كيرا وأليسا هذا الشريط بعدها بتتعاقبون لتحرشكم ببناتهم، إلا إذا اعتذرتون وهم قبلوا اعتذاركم.
جوي وكايبا توتروا إذا وصل الخبر لأبو كيرا وأليسا بروحون بورطة، فمالهم إلا يعتذرون: آسفين ما بيتكرر مرة ثانية.
كيرا وأليسا سامحوهم، بعدها طلعوا من الغرفة لكن المشرف بغى يكلم كيرا.
كيرا : خير!؟
المشرف: تفضلي.. ليش ماعترفتين من البداية باللي صار؟!
كيرا: مامبي أسوي أي مشاكل من بداية الفصل حتى لو كنت أني الضحية.. لكنك لما قلت بتتصل بأهلنا اعترفنا لأني مامبي اشغل أبوي بمشاكلي و أعطله عن شغله.
المشرف: قنعتيني كيرا لكن مرة ثانية اعترفي من البداية محد يقدر يأذيش.. بإمكانش تروحين.
كيرا :ok باي.
التقت كيرا بأليسا وهانتر وبليك اللي كانوا ينتظرونها برى.
أليسا: شنو صار؟
كيرا: ولا شي.
طالعت هانتر وبليك: مشكورين لمساعدتكم .. مابنسى هاي الجميل ابد.
هانتر: ماسوينا إلا واجبنا آنسة كيرا.
ابتسمت: نادني كيرا وبس.
تصافحوا مع بعض ومن هاي اللحظة بدت صداقتهم لكن لوين بتوصل معاهم؟!
قصر الملك بعد نهاية الدوام
كيرا توها بتدخل لدارها طلع أخوها من داره: أخيرا جيتين؟
كيرا: لا يكون تأخرت وأني مادري؟
كورابيكا: لا ربع ساعة بالضبط ووصلتين.
كيرا: وين أبوي وأمي؟
كورابيكا: مثل كل يوم بالاجتماع..بردون بعد شوي..شلون المدرسة اليوم؟
كيرا: ولا شي جديد ...إذا وصلوا خبرني.
كورابيكا: متأكدة كل شي ok؟
استغربت من رد أخوها لكن ماحبت تخبره باللي صار عشان لايخبر أبوها:Ya .. عن إذنك.
دخلت لدارها أما أخوها يشك صار شي لاخته بالمدرسة.
بعد الغذا قعدت أليسا بدارها تتصفح الكتب وتراجع لها شوي، ليما دخل عليها أخوها.
كونر: ادخل أو لا!
أليسا: لما دخلت تسأل.
توه بيطلع: عجل باي.
أليسا: امزح وياك ..ادخل بروحي مستملة مالي زاغر أراجع شي.
كونر قعد يم أخته ويود كتابها يتصفحه: هو مال أول.
طالعته: توك اللعام ما خذنه صوبه صار قديم.
ابتسم لها: Ya for me.
أليسا: ما طلعت اليوم مكان؟
طالعها: بلى درت فرنسا كامل ..شدراني فيش وين أروح لو بيدي ما حصلتين رقعة وجهي بالبيت.
ضحكت: هاي مصيرك.
كونر: ابتلشنا لما صار الملك اخو أبوي.
أليسا ماقدرت تيود روحها وضحكت.
كونر: قلت شي غلط هاي الصدق وين مانروح حراس ورانا وقدامنا وين بتاخذين راحتش.. اشوه بعد مافي بالحجر حراس ..كأن سجن مو قصر.
أليسا: لو يسمعك أبوي راحت عليك.
كونر: عادي يعرف الكلام.. المهم شنو سويتين اليوم بالمدرسة ؟
أليسا: عادي مثل كل يوم.
كونر: شكلش يقول غير؟
طالعته : شلون يعني؟
كونر: قولي شنو صار؟
توترت شلون أخوها عرف صار لها شي: قلت لك ولاشي.
كونر مو مصدق كلامها قام بيطلع، لكن أخته نادته: كونر.
طالعها: نعم.
أليسا: خلاص sorry.. مشكلة تافه وانحلت.
استغرب: مشكلة شنو؟
أليسا: واحد معانا بالصف ..
خبرت أخوها باللي صار لها ولكيرا بالمدرسة، وهو انصدم شلون تجرأ جوي يمسك ذراع كيرا بقوة ويكلمها بحقارة وقلة أدب لكنه ارتاح لتدخل هانتر وبليك.
كيرا قاعدة بغرفتها تذاكر لما سمعت طق الباب: تفضل.
كانت نينا ( خدامتها ).
نينا: العصير اللي طلبتيه سيدتي..تأمريني بشي ثاني؟!
كيرا: لا شكرا، إذا بغيت شي بخبرش.. على فكرة مشغولة الحين؟
نينا: لا سيدتي.
كيرا: تفضلي استريحي امبي اكلمش بموضوع.. ليش واقفة؟
قعدت نينا: شكرا.
كيرا حطت كتابها على الطاولة وطالعتها: أول شي لا تناديني بسيدتي أحس كأني امرأة كبيرة ، ناديني بأسمي.
نينا: مو مسموح لي آنسة.
ابتسمت: مين قال أني أمرتش بهذا.
نينا: حاضر آنسة.
كيرا: شنو قلت الحين.
نينا: آسفة آنسة قصدي.. كيرا.
ابتسمت: شفتين مو أحلى من سيدتي مادري آنسة.
ابتسمت نينا، توها كيرا بتتكلم طق الباب أخوها ودخل.
كورابيكا: قاطعتكم؟
وقفت نينا عشان تمشي.
كيرا: نينا على وين؟
نينا: بكمل شغلي، عن إذنكم.
كورابيكا: تفضلي.
لاحظ نظرات أخته عليه.
كورابيكا: ليش تطالعيني جذي؟
ابتسمت: Nothing.
كورابيكا: لا في شي من رديتين من المدرسة وانتين متغيرة.
كيرا ابتسمت لذكاء أخوها وانه يعرف اللي بداخلها لكنها متوترة تقول له أو لا.
كورابيكا عرف من سكوتها إنها أكيد ما تبي تخبره: ما برغمش تقولين لي .. بكون بداري.
بعد ماطلع أنبت نفسها ليش ما قالت له، هي مو متعودة تخش عنه أي شي، ظلت تفكر بالسالفة واستجمعت قوتها بعدها راحت لدار أخوها اللي كان يتكلم مع خادمه ماكس.
كورابيكا: تفضلي.
كيرا: شدراك أني؟
كورابيكا: إحساسي خبرني ..تعالي.
كيرا: لا ما بقاطعكم.
ماكس: عن إذنكم.
طلع.
كورابيكا: ما قاطعتينا ولا شي على العموم كاهو راح دخلي.
قعدت يمه: آسفة خليتك تطلع من داري زعلان.
كورابيكا: مين قال أني زعلت أنا محترم رايش ما تبين تقولين لي.
كيرا: لا مو جذي لكن.. أوعدني ما بتخبر احد.
استغرب لهاي الدرجة السالفة خطرة عشان محد يعرف: اوعدش محد بيعرف.
أخذت لها نفس وخبرته بكل شي، وهو حده عصب لتصرف جوي شلون تجرأ يمسك يد أخته ويألمها، لكنه هدأ لما عرف إن هانتر وبليك تدخلوا.
كورابيكا: ليش ما قلتين من قبل؟
نزلت راسها: كنت مترددة..اهمشي أبوي وأمي ما يعرفون بالسالفة.
كورابيكا: كيرا لازم يعرفون عشان يتصرفون معاه إذا اليوم بس مسك يدش بكرة ماندري شنو بسوي فيش.
كيرا: كورا وعدتني ما بتخبر احد، إذا عرفوا شدراني شنو بسوون فيه.
كورابيكا: بس لأني وعدتش ما بخبرهم لكن مرة ثانية إذا رد قرب منش لازم يعرفون.
ابتسمت.
كورابيكا: خبرتين نينا؟
كيرا: لا للحين، ليش تسأل؟
كورابيكا: لما شفتش معاها قلت يمكن خبرتينها.
كيرا: مادري مترددة أقول لها أو لا.
كورابيكا: الراي رايش، بس لاتنسين توها سنة ماخذت.
كيرا: معاك حق لكني متأكدة مابتخبر احد، بس ما بستعيل توني اعلمها.
استغرب: تعلمينها؟؟!.
ابتسمت: Ya ، للحين تناديني بسيدتي انت تعرف ماحب احد يناديني جذي، ولما ييت كنت اخبرها تناديني بأسمي.
ضحك: كان لازم اعرف قبل، حتى أنا خبرت ماكس يناديني بأسمي لكن قدام أبوي و أمي يخاف ويناديني بسيدي.
مضت الأيام بسرعة ويت الإجازة الأسبوعية، كيرا وأليسا اتفقوا يروحون لمدرسة النينجا ينجزون بحث الرياضة اللي طلبوه منهم عن أي رياضة يحبونها.
طبعا بعد ما أذنوا لهم والدينهم يروحون بس كالعادة الحراس معاهم.
لما وصلوا لهناك طلبوا منهم ينطرونهم برى وهم بيدخلون بروحهم بالبداية رفضوا لكن بعد ما خبروهم إنهم إذا ما نفذوا أوامرهم الحين بيطردونهم ( ترى ما يقدرون يطردونهم إلا بأمر أبوتهم لكن بس عشان يخرعونهم) دخلوا البنات بروحهم والتقوا داخل بمدير المدرسة اللي رحب فيهم وايد وعرفهم بالمدرسة وأقسامها وابنه راواهم المدرسة فرحوا وايد، وتعرفوا بمعلومات يديدة ماكانوا يعرفونها من قبل.
بعدها طلبوا يجرون مقابلة مع احد الطلاب اللي يتدربون هني، طبعا المدير ما رفض طلبهم.
المدير: ذلين أفضل الطلاب عندنا، أعرفكم بهانتر وبليك الأميرة كيرا والأميرة أليسا بوتر.
اندهشوا.
أليسا: ماكنت ادري إنكم تمارسون النينجا؟!
المدير استغرب: تعرفون بعض؟
هانتر: إي سيدي معانا بنفس الصف.
بليك: اخترتون النينجا موضوعكم.
كيرا:Ya .
اجروا البنات المقابلة مع الشباب، وبعد ما كملوا طلبوا من المدير أوراق الانضمام للمدرسة، و ودعوهم بأمل يلتقون من يديد.
كيرا: تتوقعين بوافقون ننضم للنينجا؟!
أليسا: مادري .. أتمنى يوافقون.. شفتين بليك بثياب النينجا حده كيوت.
طالعتها وضحكت.
أليسا: وانتين ما شفتين روحش من شفتين هانتر.
كيرا تذكرت: حده كيوت.
ضحكوا.
البنات بعد ما ردوا راحوا للصالة أهلهم قاعدين فيها.
أبو كورابيكا: أخيرا جيتون، بشروا شلون كان لقائكم؟
كيرا + أليسا: عجييييب.
أبو كونر: عجل موضوعكم بكون كشخة.
أليسا: أتمنى بس.
كيرا: عن إذنكم بنشتغل عليه.
الكل: إذنكم معاكم.
بغرفة كيرا قعدوا يعدلون موضوعهم ويتمنون يوافقون أبوتهم وينضمون لمدرسة النينجا.
بعد ساعات من الشغل على الproject .
أليسا: وه ما بغيت أكمل..أنعمت عيني من الكمبيوتر.
كيرا: دخلتين الصور معاهم.
طالعتها: أي صور؟ مو قلتين انتين بتشتغلين عليهم.
كيرا: جان خزنتينهم مره وحده.. ما منش فايدة.
قامت أليسا وقعدت مكانها كيرا تدخل الصور، بعدها طبعتهم.
بهاي الوقت دخلوا عليهم أخوتهم.
كورابيكا: قاطعناكم؟
كيرا: لا، تونا مخلصين.
كونر: يصير نقراه..ونحكم عليه.
كيرا وأليسا طالعوا بعض واخوانهم مستغربين.
كونر: دام يطالعون بعض جذي معناتها..
تابع كورابيكا عليه: ما يبونا نقراه.
كورابيكا + كونر: صح !
ابتسموا.
كيرا: كنا بنخليكم لكن بعد اللي قلتونه .. مافي.
كونر: آسفين ما كنا نقصد.. كان كلام أخوش مو انا.
كورابيكا: يالجذاب الحين طلع كلامي..لا تخلينه يقراه.
أليسا: إذا بتتضاربون ثنينكم على هاي الشي ما راح تقرونه.
كورابيكا + كونر: آسفين ما بنعيدها.
ضحكوا على تصرف أخوانهم.
كيرا: كنكم يهال، يودوا اقروه ..لكن نبي رايكم بصراحة.
كورابيكا + كونر: Ok.
ظلوا يقرون الموضوع وخواتهم ناطرين ردهم، بعد ما كملوا.
كونر: متأكدين انتون اللي كتبتونه؟
أليسا: ماكان لازم نعطيكم إياه.
كيرا: اعترفوا انه كريه.
كورابيكا: مين قال جذي؟
أشروا على كونر.
كورابيكا طالعاه: الحين بدال ما ترفع معنوياتهم تحبطهم.
أليسا: ما عجبهم.
كيرا: واضح.
حزنوا وايد، تعبوا على كتابته وتنسيقه وبالنهاية يطلع مو حلو.
كورابيكا ضحك: هي نمزح معاكم.. موضوعكم عجيب.. ماني مصدق إنكم بهاي البراعة.
ما صدقوا كلامهم.
كونر: متأكد بحل المركز الأول دون منافس.. علامكم!؟
طالعوا بعض بعدها طالعوا أخوانهم.
كيرا: تعنون اللي تقولونه؟
كورابيكا راح يم أخته: أكيد sis ، ما بتصدقيني؟
كونر تقدم من أخته: يلى عاد ابتسموا.
أليسا: انتون عكرتون مزاجنا.
كورابيكا: ما بتسامحون!
كيرا + أليسا: بشرط.
استغربوا: شنو؟
كل وحده ضربت أخوها على يده: هذا هو.
كيرا: عشان مرة ثانية تتأدبون وتقولون الصدق مره وحده.
كملت عليها: وما تتمازحون معانا بهاي الطريقة.
كورابيكا + كونر: حاضر مولاتي.
ضحكوا مع بعض بعدها اخذوا الموضوع لأهلهم يقرونه وأولهم والدينهم اللي تأنوا بقراءته، ظلوا ينتظرون ردهم ليما وصلوا لورقة ماكان لازم تكون موجودة مع باقي الأوراق.
والدينهم تعجبوا: شنو هذا؟
انصدموا وما عرفوا شنو يقولون.
أبو كورابيكا: ورقة قبول لمدرسة النينجا!؟
أبو كونر: ممكن تفسرون ؟
نزلوا راسهم مو عارفين شنو يقولون، ما كانوا مستعدين يفتحون مع أبوتهم الموضوع من الحين.
أبو كونر: تكلموا بسرعة، قبل لا اعصب عليكم.
خافوا من كلامهم، لكن تشجعوا وبدت أليسا بالكلام مع إنها متوترة.
أليسا: نبي ننضم لهاي المدرسة.
الكل اندهش، أمهاتهم مستغربين من طلبهم أما أخوانهم خايفيين من ردة فعل والدينهم.
أبو كورابيكا: يعني تبون تشتركون فيها؟!
بعد اللي سمعوه فقدوا الأمل وأكثر شي بعد ما قال..
أبو كونر: ما عندنا بنات يدخلون مدارس عامة للنينجا.
طالعهم أبو كورابيكا وهم منزلين راسم: رفعوا راسكم.. تبون صدق تتعلمون نينجا!؟
الكل انصدم باللي قالاه وخصوصا كيرا و أليسا اللي هزوا راسهم بأي.
أبو كورابيكا: اقدر أوفر لكم مدرس نينجا يعلمكم هني أحسن من تروحون للمدرسة.
ردت كيرا بسرعة وبدون شعور: ما نبي ( سكتت شوي، ماعرفت من وين يتها الجرأة تقولها، وأبوها مستغرب من ردها لكنه منتظر تكمل كلامها).. قصدي ما نبي مدرس نينجا يعلمنا بروحنا ..نبي نروح للمدرسة ندرب هناك و.. نتعرف على ربع يدد ..( طالعت أليسا كأنها تقول لها تكمل عنها).
بكون في حاجأليسا: كل اللي نبيه نحس إن إحنا ناس عادين ومافي فرق بينا وبينهم .. و مو معناتها كونا من عايلة الملك إحنا أفضل وأحسن منهم..أرجوكم وافقوا.
كيرا + أليسا: وافقوا بنسوي كل اللي تطلبونه.
اقتنعوا والدينهم بكلام بناتهم وزاد فخرهم فيهم وبأفكارهم اللي تعبر عن اللي بقلبهم.
أبو كورابيكا: بنوافق لكن بشرط.
طالعوا والدينهم.
أبو كورابيكا: تحصلون على أعلى الدرجات بالمدرسة.
ردوا بسرعة: موافقين.
حضنوا والدينهم وحدهم فرحانين، والكل فرح معاهم.
كيرا: صدقونا ما بنخيب ظنكم.
أبو كونر: ادري حبيبتي.
كورابيكا: يلى عاد بعد ما تتعلمون النينجا مو تقلبون البيت على راسنا.
كونر: ترى فيه اوادم عايشين فيه.
أليسا: أول ناس بنشدخهم انتون.
كورابيكا: إذا قدرتون.
كيرا: بنشوف عقب أي أحسن النينجا أو الكاراتيه.
كورابيكا و كونر مدربين كاراتيه من سنين وحصلوا على آخر حزام إلا هو الأسود.
هانتر وبليك بعد ما طلعوا من مدرسة النينجا راحوا للمجمع يتمشون شوي.
بليك: بكرة الحفلة، صح ؟
هانتر: إي أكيد بكونون موجودين.
طالعاه: معجب فيها!؟
هانتر يعرف شنو قصده: بجذب عليك إذا قلت لك لا.. المشكلة إنها بت الملك وهذا مخوفني.
بليك: لو كانت أي وحده ثانية أهون عندي.
ابتسم، بعدها شافوا ربعهم وقعدوا يسولفون معاهم.
[right]
بهذا اليوم في حفلة بقصر الملك، دعوا كل رجال الأعمال والعايلات الملكية.
كيرا وأليسا ماكان ودهم يحضرونها لكن ما بيدهم حل ثاني.بعد ما اكتمل عدد الحضور، فرحوا البنات لما شافوا هانتر وبليك، وكان العكس لما شافوا جوي مع أهله.
أليسا : يحليله اينن بالبدلة.
كيرا طالعتها ولاحظت إنها تطالع بليك: عقلي يبنية.
أليسا: ما تقدرين تنكرين هذا الشي.
كيرا طالعت هانتر: I know.
هانتر وبليك لما شافوا جوي وكايبا نار اشتعلت داخلهم لكنها انخمدت لما طاحت عينهم على كيرا وأليسا.
هانتر: مرحبا كيرا أليس، شخباركم؟
كيرا: تمام، انتون؟
بليك: تمام.
ظلوا ساكتين لفترة ليما يى كورابيكا وكونر من ورى خواتهم: مرحبا.
كيرا: هلا كورا.
كونر طالع الشابين وشك فيهم: إذا ما خاب ظني انتون هانتر وبليك براودلي؟
بليك:ya أنا بليك و هذا ولد عمي هانتر.
كورابيكا: تشرفنا بلقائكم.
ظلوا يتكلمون مع بعض كأنهم ربع من زمان، لكن قطع عليهم قدوم جوي مع كايبا.
جوي: الأمير كورابيكا، الأميرة كيرا، سيد كونر، آنسة أليسا يسعدني لقائكم.
كورابيكا وكونر من شافوه ودهم يدفنونه، بعد كل اللي سواه يتجرأ ويجي لهم.
كورابيكا ابتسم: أهلا سيد جوي، كايبا.
جوي: أتمنى إنا ما قاطعتكم ..عن إذنكم.
مشى وعينه على هانتر.
كونر: لو إحنا مو بحفلة دفنته مكانه.
كورابيكا: خلك عنه كافي انه مريض نفسي.
هانتر وبليك من كلامهم عرفوا إنهم خبروا أخوانهم باللي صار لهم بالمدرسة.
كونر: على فكرة إحنا مدينين لكم باللي سويتونه لخواتنا.
هانتر: ما سوينا غير الواجب.
كورابيكا: مشكورين واجد .. طلبوا اللي تبونه وإحنا حاضرين.
بليك: ماله داعي..ألس وكيرا بحسبة خواتنا لكن مشكورين على كرمكم.
كورابيكا: Ok لكن إذا عندكم أي شي هذا رقمنا، اتصلوا بأي وقت.
كيرا وأليسا نزلوا راسهم وظلوا يتذكرون الحادثة اللي يمعتهم مع هانتر و بليك.
بعد العشى يى وقت الرقص وكالعادة يبدأها الملك مع مرته بعدها الكل ينضم لهم.
كورابيكا يكلم كونر: ظنيت أبوي نسى الرقص.
كونر: الظاهر يدربون بالسر...إلا وين عمتي ما شوفها لاهي ولا أولادها.
كورابيكا: صباح الخير، قالوا من قبل ما بجون للحين ما يردون من ألمانيا.
تقريبا نص الموجودين قاموا يرقصون واللي ظل عدد قليل، كورابيكا وكونر قاموا عشان يروحون يقعدون مع ربعهم لكن قبل هذا بغوا يدعمون بوحدة من البنات.
كورابيكا: آسف .. It's my fault.
البت: عادي ما صار شي.
كورابيكا ظل يطالعها مندهش من جمالها، البت عرفته بسرعة وهاي أول مرة تتقرب منه لهاي الدرجة.
كيرا وأليسا يطالعون أخوانهم، شوي وبموتون من الضحك عليهم.
كيرا: شكلها مألوف.
أليسا: مو مهم، طالعي كونر وكورا أكيد انعجبوا فيهم.
كيرا + أليسا: بحبون بعض.
ضحكوا وهم يطالعون أخوانهم.
البت: عن إذنك سيد كورابيكا.
كورابيكا: لحظة، شنو اسمش؟
البت: هالويل .. بايبر هالويل.
كورابيكا: سعدت بلقائش آنسة بايبر.
كونر يطالع البت الثانية اللي واقفة يم بايبر ولما حست بنظراته نزلت راسها لكن قلبها يدق بسرعة.
كورابيكا طالعاه فلصاه عشان يوتعي.
كونر طالع كورابيكا كان برد عليه لكن سكت.
بايبر: هاي بت عمي برو.
كونر: سعدت بلقائش آنسة برو.
كورابيكا: بت زاندر هالويل؟ رئيس شركة هالويل.
بايبر: Ya.
ظلوا يتكلمون شوي لكنهم ثنينهم فاجئوهم بطلبهم: ترقصين معاي؟
طبعا هم ما عرفوا شنو يردون حدهم توتروا أول مرة ينحطون بهاي الموقف وقدام من؟! ولد الملك وولد أخوه ما عرفوا يتكلمون لكنهم هزوا راسهم بأي وحطوا يدهم على يد كورابيكا وكونر وراحوا معاهم.
كيرا وأليسا صحت شكوكهم لما شافوهم يرقصون مع بعض.
هانتر وبليك ما شالوا عينهم عن كيرا وأليسا يراقبون حركاتهم وكلما لهم ينعجبون فيهم أكثر وأكثر.
أليسا: توقعت بيرقصون مع بعض.
كيرا: إي، لكني متأكدة شايفتنهم.
قطع عليهم قدوم هانتر وبليك إليهم: Hi .
طالعوهم وابتسموا لهم.
بليك: أتمنى ما قاطعناكم.
أليسا: لا بالعكس.
هانتر وبليك مدوا يدهم لهم: ترقصين معاي؟
كل وحده ابتسمت وحطت يدها على يده وراحوا يرقصون مع بعض، قبل لا تنتهي الأغنية هانتر وكيرا طلعوا لوحدة من الشرف الخارجية، وبليك وأليسا نفس الشي بس من الجهة الثانية.
ظلوا يتكلمون مع بعض، اكتشفوا أشياء مشتركة بينهم وعرفوا بعض أكثر من قبل، وزاد تعلق كل واحد بالثاني.
كيرا متسنده على السور و هانتر واقف قبالها.
هانتر: حوالي 7 سنين، يمكن اقل.. متأكد بيعجبش.
كيرا: كنت خايفة ما يوافق أبوي.
هانتر: لكنه وافق.
طالعوا بعض بعيونهم، قرب هانتر من كيرا وحط يده على خدها وكل واحد نظره على الثاني و قبلها.
بليك وأليسا كانوا يتكلمون بشكل عادي.
بليك: واضح إنكم دايما مع بعض.
أليسا: تربينا مع بعض، تقدر تقول نادرا إذا تفرقنا.
هب نسيم بارد لعب بشعر أليسا وصارت قصتها على عينها توها بتباعدها لكن بليك سبقها باعد قصتها وظل يطالعها بعيونها يحس روحه ضايع لكن كل اللي يحسه براحه وشعور يخليه يتقرب من أليسا أكثر وأكثر و ما يبعد عينه عن عينها ليما قبلها.
كورابيكا وكونر وهم يرقصون مع بايبر وبرو يحسون إنهم يعرفون بعض من زمان، وقبل لا تنتهي الأغنية كل واحد قبلها.
من هني بدأ الحب يسري بعروق كيرا لهانتر، أليسا لبليك وبعد أخوانهم اللي تعلقوا ببايبر وبرو من أول نظرة، بدئوا يتعلقون ببعض ويزيد حبهم وتبدأ معاهم الأحداث الحقيقية لنضال الحب بين العشاق.
بعد ما كملت الحفلة ورد الكل لبيتهم، كل واحد فكرة بالثاني وما ناموا إلا وصورة حبيبهم مرسومة على جفن عينهم.
بهني ينتهي الجزء الأول لحكايتنا بتعلق كل واحد بالثاني وبنعرف بباقي الأجزاء إذا بتواصل علاقتهم أو ز
البوابة
أحدث الصور
